Заедно со Министерот за земјоделство, шумарство и водостопанство потпишавме договори за финансиска поддршка во вкупен износ од 17.500.000 денари.
Оваа финансиска поддршка е обезбедена врз основа на поднесеното барање од страна на Управата за хидрометеоролошки работи, со цел инвестициони вложувања за:
-
санација на метеоролошки станици,
-
набавка на хардвер и софтвер за хидрометеоролошка опрема и радарски систем,
-
набавка на мали метеоролошки станици,
-
техничка поддршка за одржување на системите за наводнување и одводнување.
Средствата се доделени преку Програмата за финансиска поддршка во руралниот развој за 2025 година, дел II став (2), мерка 1 – Техничка поддршка во земјоделството и руралниот развој, подмерка 1.7 – Други трошоци и инвестициони вложувања, точка 1.7.5.
Редовната, навремена и точна хидрометеоролошка информација е од клучно значење за заштита на земјоделското производство од временски непогоди. Како Управа, остануваме посветени на унапредување на капацитетите за набљудување, анализа и известување.
